I-134A, Demann sou Entènèt pou ou vin yon Sipòtè ak Deklarasyon pou Sipò Finansye
ALÈT: Se moun ki aksepte sipòte finansyèman yon lòt moun nou aksepte sèlman pou ranpli Fòm I-134A pou:
- Ikrenyen oswa manm fanmi pwòch yo ki fè pati Nou Ini pou Ikrèn; oswa
- Kiben, Ayisyen, Nikaragweyen, oswa Venezyelyen oswa manm fanmi pwòch yo ki fè pati nan Pwosesis pou Kiben, Ayisyen, Nikaragweyen, ak Venezyelyen.
Ou dwe ap viv Etazini pou ranpli Fòm I-134A a. Benefisyè yo pa ka ranpli Fòm I-134A a poukont yo.
Sipòtè yo dwe ranpli yon Fòm I-134A apa pou chak benefisyè yo dakò pou sipòte, li gen ladan l timoun ki poko gen 18 lane.
Pou w kapab kalifye pou yon konsiderasyon nan kad Nou Ini pou Ikrèn oswa Pwosesis pou Kiben, Ayisyen, Nikaragweyen, ak Venezyelyen itilize Fòm I-134A, benefisyè ki poko gen 18 lane dwe vwayaje pou vin Ozetazini sou siveyans paran k ap pran swen yo an oswa responsab legal la, epi yo dwe kapab bay dokiman pou konfime relasyon an.
Si w dakò pou sipòte yon benefisyè ki mande libète sou kondisyon pou rezon imanitè epi ki pa aplike pou libète sou kondisyon nan kad Nou Ini pou Ikrèn oswa Pwosesis pou Kiben, Ayisyen, Nikaragweyen, ak Venezyelyen, ou dwe ranpli yon Fòm I-134, Deklarasyon pou Sipò Finansye, ansanm ak Fòm I-131, Aplikasyon pou Dokiman Vwayaj, atravè adrès Lockbox ki apwopriye a. Pou jwenn plis enfòmasyon sou libète sou kondisyon an, vizite paj Liberasyon sou Kondisyon pou Rezon Imanitè oswa Avantaj Piblik Enpòtan pou Moun ki P ap Viv Etazini.
Itilize fòm sa a pou fè demann pou vin yon sipòtè epi aksepte pou bay sipò finansyè pou yon benefisyè, epi sibi verifikasyon antesedan ki fè pati Nou Ini pou Ikrèn oswa Pwosesis pou Kiben, Ayisyen, Nikaragweyen, ak Venezyelyen. Ou dwe ranpli yon Fòm I-134A apa pou chak benefisyè.
Ranpli Fòm nan Anliy
Aktyèlman, Kont Reprezantan (pou Avoka ak reprezantan ki otorize) pa pèmèt ou ranpli Fòm I-134A.
Kisa Fòm Sa a Kapab Ede Ou Fè
Form Details
Ou dwe ranpli Fòm I-134A a sou entènèt.
Se moun ki aksepte vin sipòtè yon lòt moun nou aksepte sèlman pou ranpli Fòm I-134A, epi l dakò pou sibi yon verifikasyon antesedan pou sipòte finansyèman yon:
- Ikrenyen oswa manm fanmi pwòch yo ki fè pati Nou Ini pou Ikrèn; oswa
- Kiben, Ayisyen, Nikaragweyen, oswa Venezyelyen oswa manm fanmi pwòch yo ki fè pati Pwosesis pou Kiben, Ayisyen, Nikaragweyen, ak Venezyelyen.
Sipòtè yo dwe ap viv Etazini pou ranpli Fòm I-134A a. Benefisyè k ap chèche libète sou kondisyon nan kad pwosesis sa yo pa ka ranpli Fòm I-134A a poukont yo. Sipòtè yo dwe mete non benefisyè a nan Fòm I-134A a.
Sipòtè yo dwe ranpli yon Fòm I-134A apa pou chak benefisyè y ap planifye pou sipòte, li gen ladan l timoun ki poko gen 18 lane.
Pou w kapab kalifye pou nenpòt nan pwosesis sa yo, timoun ki poko gen 18 lane dwe vwayaje pou vin Ozetazini sou siveyans paran k ap pran swen yo an oswa responsab legal la, epi yo dwe kapab bay dokiman pou konfime relasyon an.
Plizyè sipòtè ka mete ansanm pou sipòte yon benefisyè, ak òganizasyon, konpayi, ak lòt antite ki kapab bay kèk oswa tout sipò nesesè pou benefisyè a. Nan ka sa yo, moun nan gen obligasyon pou li ranpli epi siyen Fòm I-134A epi li dwe soumèt prèv ki montre idantite, ak resous l ap bay, sipòtè anplis, oswa antite, epi li dwe ajoute yon deklarasyon ki eksplike entansyon pou pataje responsabilite pou sipòte benefisyè a pami moun oswa antite ki angaje pou sipòte benefisyè a. N ap evalye yon fason kolektif kapasite plizyè moun ki sipòtè genyen pou sipòte yon benefisyè. Moun k ap ranpli ansanm ak yon òganizasyon, konpayi, oswa lòt antite pa bezwen soumèt enfòmasyon sou finans pèsonèl yo, si nivo sipò antite a montre ase pou sipòte benefisyè a.